ابرزى جمالك بشكل طبيعي

معلومات مهمه عن المكياج لازم تعرفيها !!!

 

عشان تبرزي جمال عينيكي بلوك طبيعي وخلاب

1 – هنحط الايشدو الفاتح باللون اللي تفضليه ( الابيض او الكريمي او الدهبي الفاتح قوي ) هنحطه في 3 اماكن ( زوايه العين ، وسط العين ، وفقط تحت عضمة الحاجب ) وبعدين امزجيهم بصوابعك وحطي بس المسكرا .

2 – اختيار نوع البلاشر أو احمر الخدود: اختياراتك للبلاشر أو احمر الخدود لازم تكون علي حسب نوع بشرتك.. يعني مثلا البشرة الدهنية يفضل نستعملها المنتجات البودر المسحوق عشان تثبت فترة اطول وتشيل لمعه البشرة الدهنية، بس البشرة الجافة نختارلها المنتجات الكريمي اللي بتدي لمعان ونضارة للبشرة،، وكمان لون البلاشر على حسب لون بشرتك يعنى لو بشره فاتحه بيكون ف الحاله دى اختيارى للبلاشر يميل الى الالوان الفاتحه ،، ولو بشره غامقه بيكون ف الحاله دى اختياري للبلاشر يميل الى الالوان الغامقه ودا هيظهر البشره بشكلى طبيعي جدا .

3- الطريقة الأمثل لوضع الماسكرا: بنات كتير لما بتيجي تحت الماسكرا دايما بتبدأ من جوه لبرة وبترسم الماسكرا في اتجاه واحد.. الطريقة الصح هي إننا نوزع الرموش في جميع الاتجهات وكمان لزيادة كثافة الرموش تحطي الماسكرا وبعدين حطى بودر على الرموش وبعدين حطى ماسكرا تانى وبالشكل دا هيعطى كثافه للرموش اكتر .

4- الحل الأمثل للبشرة الدهنية أثناء اليوم! ورق الزبدة!! ايوه احنا بنتكلم بجد.. ورق الزبدة معروف عنه إني بيمتص الدهون بشكل قوي عشان كده خليكي شايلة معاكي ورقتين في شنطتك وفي نص اليوم لما تحسي إن بشرتك بقت بتلمع ودهننت اوعي تحطي طبقة بودر لأن ده هيكتم المسام وهيتعب بشرتك ويسبب ظهور حبوب استعملي ورقة الزبدة إنك تحطيها على الاماكن اللي بتلمع ودوسي بشويش لحد لما تمتص الدهون من وشك .

5 – نفس لون الايشادو مع الروج : لو عندك لون أيشادو بتحبيه ومن النوع البودر إنتي ممكن تعملي منه احمر شفايف كمان .. اخلطي شوية منه في معلقه مع مرهم ترطيب الشفايف بفرشة وبعد كده استعمليه علي شفايفك كروج .

6 – تعملي ايه لو صباع الروج اللي إنتي بتحبيه اتكسر؟ بولاعة سيحي الجزء المكسور من صباع الروج وثبيته بأديكي كويس واضغطي عليه.. سيبيه ينشف 10 دقايق وهتلاقيه رجع كأنه جديد .

 

الاكاديمية العربية المصرية :-

تقدم الاكاديمية العربية المصرية دبلومات مميزة لتعليم المكياج والتجميل :-

دبلومة المكياج

دبلومة التجميل الشاملة

دبلومة التجميل

دبلومة الماسكات

اترك تعليقاً

الحجز متاح بجميع الفروع حتى اكتمال العدد